Լրագրողներին Ռոբերտո Կառլոսը խոստովանել է, որ զրուցել է «Արքայական ակումբի» գլխավոր մարզիչ Ժոզե Մոուրինյոյի հետ: Բրազիլացու խոսքերով` պորտուգալացի մասնագետը, ում ծառայություններով բացի «Անժիից» հետաքրքրված են մի շարք անգլիական ակումբներ, առայժմ մնալու է Իսպանիայում:

«Ժոզեն ասաց ինձ, որ նրա պայմանագիրը դեռ ուժի մեջ է, և նա կշարունակի աշխատել Իսպանիայում: Իսկ ես ինքս իմ հերթին հավելեցի, որ եթե նա մտափոխվի, «Անժին» գրկաբաց կսպասի նրան: Մոուրինյոն աշխարհի լավագույն մարզիչն է», - Canal Plus-ին տված հարցազրույցի ժամանակ ասել է 38-ամյա պաշտպանը, ով 11 տարի հանդես է եկել «Ռեալում»:

«Ինձ շատ հաճելի էր վերադառնալ «Սանտյագո Բերնաբեու»: «Ռեալը» լավ է հանդես գալիս առաջնությունում և Չեմպիոնների լիգայում: Եկեք մոռանանք «Բարսայի» մասին և կրկին կկարողանանք կարևոր տիտղոսներ նվաճել: Ինձ դուր է գալիս այս թիմի բնավորությունը, ոգին: Այս թիմը գրանցվելու է պատմության մեջ», - հավելել է բրազիլացին: