Բարսելոնան հաղթեց աշխարհի ակումբային առաջնությունում, ինչը չէր կարող բազմաթիվ հետաքրքրաշարժ փաստերի առաջացման առիթ չդառնալ:

Ստորև ներկայացնում Ձեզ այդ փաստերը`

- Մրցաշարը 2000 թվականից վերանվանվել է Աշխարհի ակումբային գավաթ: Այս ժամանակահատվածում ամենաշատն այդ մրցաշարում հաղթել է Բարսան (2 անգամ, 2009 - ին և 2011 - ին): Իսկ Ինտերը (2010 - ին), Մանչեսթեր Յունայթեդը (2008 - ին), Միլանը (2007 - ին), Ինտերնասիոնալը (2006 - ին), Սան Պաոլոն (2005 - ին) և Կորինտիանսը (2000 - ին) հաղթել են 1 - ական անգամ:

- 0 - 4 - ը մրցաշարի ողջ պատմության ընթացքում արձանգրված ամենախոշոր հաշիվն է:

- Եթե պատմությանը նայենք միայն 2000 թվականից սկսած, ապա Մեսսին Դենիլսոնի հետ լավագույն ռմբարկուն է: 2 - ն էլ 4 - ական գոլ են հեղինակել: Սակայն արգենտինացին, եթե հաշվի առնենք մրցաշարի ողջ պատմությունը, ապա 3 գոլով զիջում է Պելեին:

- Լեոն ողջ մրցաշարի պատմության մեջ միակ խաղացողն է, ով 2 եզրափակիչներում լավագույնն է ճանաչվել:

- Թիմը կարողացավ վերջապես հաղթել Ճապոնիայում` այդ մրցաշարում: Նախկինում դա Բարսային չէր հաջողվել անել 1992 և 2006 թվականներին:

- Ընդհանուր առմամբ Բարսան գնդակին տիրում էր ժամանակի 71% - ը: Որոշ դեպքերում, օրինակ, խաղի առաջին 15 րոպեների ընթացքում, այդ թիվը կազմում էր 80%:

- Կատալոնյան թիմը 881 փոխանցում կատարեց, իսկ Սանթոսը` ընդամենը 256:

- Չավին 160 փոխանցումից 151 - ը ճիշտ կատարեց: Դա լավագույն արդյունքն է:

- Բուսկետսն ամենաշատը խլեց գնդակը մրցակցից (15 անգամ):